2 Timothy 1
1PAULUS, wanporon en Iesus Kristus pan kupur en Kot, duen inau en maur ren Kristus Iesus 2On Timoteus nai seri kompoke pai: Mak o kapunlol, o popol san ren Kot Sam, o Kristus Iesus atail Kaun en mi re om. 3I danke Kot, me i kin papaki insen ai min san ren sam ai ko mas due i kin poden lamelame uk ni ai kapakap akan ni pon o nin ran. 4O inon ion kilan uk ni ai tamatamanta duen om sanesan, pwe i en direki peren. 5O ni ai tamanda poson melel, me mi re om, me mi mas ren in om liakalap Lois o in om Oinike o i asa, me a pil mi lol om. 6Ari, i me i men kataman kin uk, koe en kamakamaur pai en Kot, me mi lol om ki pwil pa 7Pwe Kot sota kotiki on kitail nen en masak, a en manaman, o limpok o lelapok. 8Koe ari der namenokki om kadedeki atail Kaun, de nai sapwilim a salidi men, a koe en ian ia kamekameki ronamau duen manaman en Kot. 9Me kotin kamanr kitail da o worone kin kitail woron saraui, kaidin iran atail wiawia kan, a pweki pein a kupur o mak me a kotin kupura on kitail ren Kristus Iesus mon tapin kaua. 10A masan wet a sansaleda ni en atail Saunkamaur Iesus Kristus, me kotin kapuiala mana en mela, ap kapwareda maur o so mor pasan ki ronamau. 11I me i kasapwiladan, pwen saunkair o wanporon, o saunpadak en men liki kan. 12I me i pil kin kalokolok ki. A i sota kin namenok kila, pwe I asa me i kin kamelele; o i asa, me a kak nekinekid ai pai, me i aleer, lao lei ran o. 13Dadaurata son en padak en kamaur, me koe ron san ia er, o poson o limpok ren Kristus Iesus. 14Pai mau o me pwilidier re om, pera ki Nen saraui, me kotikot lol atail. 15Koe asa, me irail karos, me mi Asien, wuki san ia; kisan ir Pikelus o Ermokenes. 16Kaun o en kotin maki on toun im en Onesiporus, pwe pan pak toto a kadek on ia, o a sota namenok ki ai sal mata. 17Pwe ni a mi Rom, a nantion rapa kin ia, ap diar ia da. 18Kaun o en kotin kupura on I kalanan en Kaun o ni ran kokodo. A koe asa mau, duen a papa nan Episus.
Copyright information for
PONPDN